kva skal ein

bedøva seg - stengje seg ute frå verda
magert til innhaldet vert forelda
til ein sitt der og tregar seg
står i kulda med dei gode kort i handa

skunda seg - leggja seg på lette latsida
svevelaust i senga fordrive utsida
til den halde handa legg seg
for seint retta handa som somla vekk tida

brenna seg - tenne ljos i mørkaste stunda
la urimelege ting dilta ved sida
til ein kjenner ein skrekk i seg
og vakna meir langsamt enn tida i verda

leika seg - syte meir for klyvinga og føda
springa mot det fattige i verdsnauda
mistru det den storvomma klora til seg
lausmunna vera raus med utanpå glede

reisa seg - reinvaska foten ein trampar i jorda
frigjere seg nyfikne i framferda
usnobba i kvar sving storkosa seg
til kvelden fell velsigna godt i handa

bjørg sandvik