Gamlemor

Ho såg ikkje skranten ut
berre smilet var smalt og krunglut
hjå gamlemor
Ho sit for det mesta der og glor
klistra til vindaugo
Mon ein kan tru der kjem eit lurt glimt i augo

Ho lya på summinga frå folkelivet
bilde fortel om livet til galleriet
opp til gamlemor
Ho får berre høyre om liv når ho glor
kor varmt å vaske synet i
Når solvarmen frå vindaugo er einaste å gi

Ute ser ho mange skjer i sjøen
der ho ventar på Vår Herre i køen
liten er gamlemor
Mon om ho nokon gong har vor for stor
ingen har lækja dei opne sår
Ho tek timelang mimring frå ungdomsår

Ho kjenner seg slått
ventar på ein livslengjande lått
den ho saknar gamlemor
Men ho har ikkje gløymt kva som gror
dei har altfor lite tid til det meste
Dei utanfor glaset som sviv rundt på si reise

Skoddeskya gøyme på solskinet
men eit sjal varme smilet
på vår gamlemor
skilnaden er vorten så stor for ei gamal mor
Den treng ikkje gjerast lenger
saumen som vart snudd og vend mange gonger

Bjørg Sandvik